Судалгаагаар Ц.Элбэгдорж 54, Б.Бат-Эрдэнэ 37, Н.Удвал 9 хувийн саналтай гарчээ

songuli election-middle “Сант Марал” сангаас Монголын нийгэм, улс төр, эдийн засгийн байдлын талаар судалгааг гаргадаг.
Тус сангаас удахгүй болох 2013 оны Ерөнхийлөгчийн сонгуулийг тандсан судалгаа явуулжээ.  Судалгааг 6-р сарын 14-өөс 6-р сарын 16-ны хооронд тус судалгааг авсан бөгөөд нийт 1480 иргэн оролцсон байна. Судалгаанд оролцогчид Ерөнхийлөгчийн сонгуульд нэр дэвшигчдийн хэнд нь саналаа өгөхөөр бэлдэж байна вэ гэсэн санал асуулгын 54 хувь нь АН-аас нэр дэвшигч Ц.Элбэгдоржийг, 37 хувь нь МАН-аас нэр дэвшигч Б.Бат-Эрдэнийг, 9 хувь нь МАХН-аас нэр дэвшигч Н.Удвалыг сонгоно гэж хариулжээ.

Харин насны байдлаар ангилж үзвэд 18-24 насны залуучуудын 5,6 хувь нь Н.Удвалд, 32,8 хувь нь Б.Бат-Эрдэнэд, 61,6 хувь нь Ц.Элбэгдоржийг сонгоно гэжээ. 25-29 насныхан 7,2 хувь нь Н.Удвалд, 37,4 хувь нь Б.Бат-Эрдэнэд, 55,4 хувь нь Ц.Элбэгдоржид саналаа өгнө гэсэн бол 30-39 насны иргэдийн 8,2 хувь нь Н.Удвал, 32,6 хувь нь Б.Бат-Эрдэнэ, 59,1 хувь нь Ц.Элбэгдорж гэж хариулсан байна. Харин идэр насны /40-49/ сонгогчид Н.Удвалд 10,7 хувь, Б.Бат-Эрдэнэд 32,1 хувь, Ц.Элбэгдоржид 57,2 хувь нь саналаа өгнө гэсэн байна. 50-59 настай сонгогчдын 11,1 хувь нь Н.Удвал, 42,9 хувь нь Б.Бат-Эрдэнэ, 46 хувь нь Ц.Элбэгдоржийг сонгоно гэсэн бол 60 болон түүнээс дээш настай ахмадуудын 10,9 хувь нь Н.Удвалд, 52,4 хувь нь Б.Бат-Эрдэнэд, 36,7 хувь нь Ц.Элбэгдоржийг дэмжихээ илэрхийлжээ.

Ugluu.mn

Санал болгох мэдээ

С. Амарсайхан: Үхсэн малын мах хоол хүнсэнд нийлүүлэгдэх боломжгүй

Шадар сайд С.Амарсайхан өнөөдөр /2024.02.22/ өвөлжилтийн нөхцөл байдлын талаар мэдээлэл хийлээ. Мэдээллийн дараа сэтгүүлчдийн асуултад …