Хакухо Сумогийн шүүгч нарыг шүүмжилж, “Хүүхэд ч харчихаар юмыг хараагүй” гэжээ

Мэргэжлийн сумогийн албан ёсны башё болгоны маргааш Сумогийн холбооны Ёкозүна цолтнуудын асуудал эрхэлсэн хороо хуралддаг уламжлалтай.  Тэгвэл Хацу башёгийн маргааш болсон тус хорооны хурал дээр ёкозүна Хакухо М.Даваажаргалд анхааруулга өгөх бүр шийтгэх тухай яригдсан гэнэ.

Хэргийн учир нь ёкозүна Хакухо Хацу башёгийн маргааш өглөө нь хэвлэлийн бага хурлын үеэр 13 дахь өдрийн барилдаанд озэки Кисэносато-г илт давчихаад байхад нь шүүгч нар дахин барилдуулсанд дургүйцэж буйгаа шулуухан илэрхийлсэн юм байна.

Хакухо-Кисэносатогийн эхний барилдаан

Монои болж, шүүгч нар хэлэлцээд дахьж барлдуулахаар болсон

Дахин барилдуулахад Хакухо өрсөлдөгчөө илүүрхэн давж, түрүүлсэн

“Хүүхэд ч хараад хэн давсаныг нь төвөггүй хэлчихэж чадахаар барилдаан болсон. Үүнээс би сэтгэлдээ сэвтэй үлдэж байна. Арьсны өнгө ямар нэгэн хамаагүй шүү дээ. Магэтэй хүн бүр дохё дээр гараад япон зүрхээр л барилддаг” гэж ёкозүна Хакухо М.Даваажаргал хэлсэн ажээ.

Тус барилдаанд Хакухо өрсөлдөгчөө түрж хөөхөд Кисэносато зайлж бусган тэд ойролцоо газардсан юм. Шүүгч нар монои зарлаж, дахин хэлэлцсэний эцэст торинаоши буюу дахин барилдуулахаар болсон. Дахин барилдаанд Хакухо өрсөлдөгчөө илт илүүрхэн давж, Японы Эзэн хааны цомыг 33 дахиа хүртэн, сумогийн хамгийн оргил амжилтыг эвдсэн билээ.

Үргэлжлэлийг энд дарж уншина уу…