Сүүгээр амталсан шорлог хийх арга

 Тун удахгүй Үндэсний их баяр наадам болох гэж байна. Тиймээс уншигчиддаа зориулан байдаг л шорлог хийж идэхийн оронд шинэ төрлийн шорлог хийх жорыг зөвлөж байна.

Орц:

1- 100 мл сүү
2- 1 амны халбага наран цэцгийн тос
3- 1 амны халбага улаан лоолийн паст
4- 200 гр шоон хэлбэртэй хэрчиж бэлтгэсэн мах
5- бага зэрэг сүүлний өөх
6- давс

Хийх арга:

1. Нэг саванд сүүгээ хийгээд тосоо нэмж нийцүүлнэ. Пастаа нэмээд сайтар хутгаж нийцүүлээд бага зэрэг давсаар амтлаад махаа нэмнэ. Сайтар хутгаж нийцүүлээд таглан хөргөгчинд хийн хамгийн багадаа 5 цаг амраана.
2.Махаа гаргаж ирээд дөрвөн мах дутамд нэг өөхөөр тооцоолон шорлоод ил гал дээр болтол нь шараад таваглаад сервислэнэ.

Жич:  Мөөг, чинжүү, сонгино, улаан лооль, ногоон сонгино зэргийг үмхийн дайтай хэрчээд алаглуулан шорлож болно. Мөн пита талх, салат зэрэгтэй сервислэнэ.

Д.Aнхзаяа ugluu.mn