Урианхайн харваан цэц мэргэд тодорлоо

Тулгар төрийн 2224, Их Монгол Улсын 809, Ардын хувьсгалын 94 жилийн ой, Үндэсний их баяр наадмын Урианхай харваанд 12 аймаг, 9 дүүргийн 165 харваач цэц мэргэнээ сорьсон байна.

1-р байр: Завхан аймаг Тэс сумын уугуул, Зэвсэгт хүчний Алдар спорт хороо “Жем интернешнл” компани, “Худалдаа Хөгжлийн банк”-ны дотоод аудитор Б.Хатансайхан – 28 оноо

2-р байр: Ховд аймаг Дуут сумын уугуул Д.Чулуунбат-27 оноо

3-р байр:  Баян-Өлгий аймаг, Буянт сумын харьяат Б.Мөнхтөр-26 оноо

4-р байр: Ховд аймаг Дуут сумын харьяат З.Баярсайхан-25 оноо

5-р байр: Баян-Өлгий аймаг Буянт сумын харьяат Хөхийн Бямбажав-25 оноогоор шалгарлаа.

Баян-Өлгий аймаг Булган сумын уугуул, Сонгинохайрхан дүүргийн харваач Б.Бямбажав,  Ховд аймаг Мөнххайрхан сумын уугуул Б.Цогттөмөр нар “Спортын мастер” цолын болзлыг хангалаа.

Мөн Завхан аймаг Улиастай сумын уугуул, Хангарьд спорт клубын харваач Ж.Мөнхбаатар, Баян-Өлгий аймгийн Өлгий сумын уугуул, Шүүхийн шийдвэр гүйцэтгэх газар, Сүлд спорт хорооны харваач Н.Алтантулга нар “Спортын дэд мастер”-ын цолын болзлыг хангажээ.