Ажлын урт өдөр эмэгтэйчүүдэд хортой, эрчүүдэд тустай

40 гаруй цаг үргэлжилдэг ажлын долоо хоног эмэгтэйчүүдийн эрүүл мэндэд ноцтой асуудал үүсгэх шалтгаан болж мэдэх ч эрчүүдийн эрүүл мэндийн байдалд сайнаар нөлөөлөх талтай гэнэ. Ийм дүгнэлтийг Охайогийн их сургуулийн эрдэмтэд хийсэн байна.

Долоо хоногт 40-өөс дээш цаг ажилладаг эмэгтэйчүүд, хавдар, үе мөчний өвчин, чихрийн шижин, багтраа, сэтгэл гутрал, цусны даралт ихсэх өвчин зэрэгт нэрвэгдэх аюултай юм.

Харин урт цагаар ажилладаг эрчүүд тэсвэр тэвчээртэй болж, дархлаа нь сайжирч байсан гэнэ. Эрдэмтдийн явуулсан судалгаанд 7500 хүн оролцжээ.