MCS барилгын талбайг лацаджээ

Монгол улсын анхны ерөнхийлөгч болох П.Очирбатын эзэмшилд байсан хотын төвийн “А” зэрэглэлийн бүс болох Сүхбаатар дүүргийн 1-р хороо, Гэрлэх ёслолын ордны зүүн талд хувийн орон сууц бүхий газарт MCS групп барилга барихаар хашаа татаж, ажлаа эхлүүлээд байгаа билээ.

Тэгвэл өнөөдөр  МХЕГ-ын барилга хариуцсан байцаагч Батбаатар газар дээр нь ирж  барилгын ажлыг зогсоосон, лацадсан байна. Учир нь  MCS группын бариж буй тус талбай нь барилга барих ямар ч зөвшөөрөлгүй бөгөөд ажлыг зогсоох шийдвэрийг МХЕГ-аас гаргаж, 3 удаа акт явуулсан ч комани удирдлагууд үл тоон ажлаа явуулсаар байжээ. Мөн барилгын ажил эхэлснээр Олимпийн гудамжны 9 дvгээр байрны барилгад цууралт үүсч эхэлсэн бөгөөд барилгын ажлыг эсэргүүцсэн иргэдийг хамгаалагчид нь зодож танхайрсан байна. 

Юутай ч мөнгөтэй байлаа гээд хаа дуртай газраа хашаа татан барилга барьж, иргэдийн эрх ашгийг хохироод үе өнгөрч байх шиг байнан.