“Самсунг” компани гар утсаараа удирдах боломжтой угаалгын машин танилцууллаа

Цахилгаан бараа үйлдвэрлэлээрээ алдартай Самсунг корпораци ухаалаг гар утаснаасаа удирдан ажиллуулах боломжтой шинэ үеийн угаалгийн машиныг танилцуулжээ.

WW9000 загварын ухаалаг угаалгын машин нь хамгийн сүүлчийн үеийн шинэ ухаалаг, технологиор бүтээгдсэн, 5 инчийн мэдрэгч бүхий хяналтын дэлгэцтэй, дуу чимээ, чичиргээ доргио багатай, угаалгын цаг, эргэлтийн хурд зэргийг угааж буй хувцасны овор хэмжээ, борхирдолтын зэргээс шалтгаалан тохируулдаг “Auto Optimal Wash” системтэй бөгөөд утастайгаа холбосон тохиолдолд хаанаас ч хувцасаа угаах боломжийг бүрдүүлж байгаа аж.

Цаг завгүй хүмүүсийн ажлыг хөнгөвчлөх эл угаалгын машиныг ирэх 5-р сараас эхлэн худалдаанд гаргахаар төлөвлөжээ.