ЭМСЯ-ны Шуурхай удирдлагын төвөөс мэдээлж байна /2015.02.16/

2015 оны 02 дугаар сарын 16-ны өдрийн 10 цагийн байдлаар:

МОНГОЛ УЛСАД: Малын галзуу өвчин, албан:

Төв аймгийн Өндөрширээт сумын 4 дүгээр багийн нутагт 1 адуу халдварт өвчний шинж тэмдэгтэйгээр өвчилж, сорьцыг аймгийн МЭАЦЛ-д шинжлүүлэхэд 2015.02.11-ний өдрийн хариугаар “Галзуу” өвчин болох нь тус тус тогтоогдсон. Тухайн голомтод сумын Засаг даргын захирамжаар хорио цээрийн дэглэм тогтоосон байна.

Эх сурвалж: ОБЕГ

ДЭЛХИЙ ДАХИНД

Эбола вируст халдвар, албан:

2015 оны 2 дугаар сарын 11-ний өдрийн байдлаар дэлхийн 10 улсад (Либери, Сьерра-Леон, Гвиней, Мали, Нигери, Сенегал, Бүгд Найрамдах Ардчилсан Конго, АНУ, Испани, Их Британи) Эбола вируст халдварын дэгдэлт бүртгэгдэж, өссөн дүнгээр 22960 хүн өвчилж, 9236(40.2  хувь ) нас барсан байна. 2 дугаар сарын 04-өөс хойш 309 шинэ тохиолдол, нас баралт 206 хүнээр нэмэгджээ.

Гвинейд өвчний тохиолдол нэмэгдэн бүртгэгдэж, Либерит буурч, Сьерра-Леонд өвчний тархалт эрчимтэй хэвээр байна.

Эх сурвалж: ДЭМБ

Ойрхи-Дорнодын Коронавируст халдвар албан:

Филлиппин улсад Коронавируст халдварын хүний өвчний тохиолдол бүртгэгдсэн байна. Тэрээр Саудын Араб улсын Riyadh эмнэлэгт сувилагчаар ажиллаж байсан ба 1 дүгээр сарын 26-нд эмнэлзүйн шинж тэмдэг илэрсэн байна. 2 дугаар сарын 1-нд нөхрийн хамт онгоцоор Филиппин улсад ирсэн ажээ. Одоогоор өвчтний биеийн байдал сайн байна.

Эх сурвалж: ДЭМБ