Улаагчин туулай өдөр

 Аргын тооллын 2 сарын 20-ны баасан  гараг, билгийн тооллын  модон хонин жилийн хаврын тэргүүн сарын шинийн 2-ны сугар гараг, 7 улаан мэнгэтэй, түлэх барилдлагатай, огторгуй суудалтай, шувуун хушуут одтой, улаагчин туулай өдөр. Өдрийн наран 07:46 цагт  мандан, 18:10  цагт  жаргана.

Тухайн өдөр хонь, гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, гарагийг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, улаа гаргах, хиншүү хярвас гаргах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Балжиннямтай өдөр. Үс шинээр үргээлгэх буюу засуулахад тохиромжгүй.