Жудочид Германы Гранпри тэмцээнээс дөрвөн мөнгөн медальтай ирлээ

Жүдо бөхийн энэ жилийн нээлтийн Гранпри тэмцээн 2015 оны 2-р сарын 20-22ны өдрүүдэд Германы Дюссельдорф хотод амжилттай болж өндөрлөлөө. Тэмцээнд Х.Эрдэнэт-Од , Д.Баттулга дасгалжуулагчтай эрэгтэй 11, эмэгтэй 6 тамирчидын бүрэлдэхүүнтэй оролцлоо.Тэмцээний эхний өдөр манай тамирчид тун амжилттай барилдаж 3 мөнгөн медаль хүртсэн. Эмэгтэйчүүдийн 48кг-ийн жинд МУГТ М.Уранцэцэг, 57кг-ийн жинд ОУХМ Д.Сумъяа, эрэгтэйчүүдийн 66кг-ийн жинд Д.Төмөрхүлэг нар мөнгөн медаль хүртэж энгэрээ мялаалаа. Мөн тэмцээний хоёр дахь өдөр эмэгтэйчүүдийн 63кг-ийн жинд Лондонгийн олимпийн 5-р байрын шагналт ОУХМ Ц.Мөнхзаяа мөнгөн медаль хүртсэн бол сүүлийн өдөр МУГТ Олимпийн хос медальтан Н.Түвшинбаяр шагналт 5-р байрт шалгарсанаар манай баг тамирчид тэмцээнээ амжилттай дуусгалаа. Ийнхүү монголын баг тамирчид 4 мөнгөн медаль 1 шагналт байранд орсон амжилттайгаар удахгүй эх орондоо ирэх гэж байна.

Ш.Ганчимэг