Хар бич өдөр

Аргын тооллын 2 сарын 25-ны  лахагва гараг, билгийн тооллын хаврын тэргүүн сарын шинийн  7-ны буд гараг, 2 хар мэнгэтэй, үхэх барилдлагатай, гал суудалтай, нэгэн эхийн зургаан хөвгүүн одтой, хар бич өдөр. Өдрийн наран 7:41  цагт  мандан, 18:17  цагт жаргана.

Тухайн өдөр хулгана, луу жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хараал, жатхыг буцаах, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулахад тохиромжгүй.