Өглөө.мн Шинэ өглөө, Шинэ мэдээлэл
Өнөөдөр Нийслэлийн Засаг дарга бөгөөд Улаанбаатар хотын захирагч Э.Бат-Үүл тэргүүтэй хотын удирдлага, наадмын комиссын гишүүд баяр наадмын хурдан морьны барианы газар болох Хүй долоон худагт очиж, бүтээн байгуулалтын ажилтай газар дээр нь танилцах юм байна. Дашрамд хэлэхэд Хүй долоон худагт нийт 7000 автомашины зогсоол, 2 хэсэг худалдаа үйлчилгээний талбай, 3000 үзэгчдийн зөөврийн сандал болон бусад тохижилтын ажлыг гүйцэтгэхээр монгол компаниуд ажиллаж байгаа боловч тэдэн дунд “Танан эрдэнэ” гэх компани хятад иргэдийг ажиллуулж байгаа нь олны дургуйцлийг төрүүүлээд байгаа юм. Тэгээд зогсохгүй автомашины зогсоолыг эко хавтангаар хийхээр анх танилцуулж байснаас “Танан эрдэнэ” компани ухарч, хятад ажилтнуудаараа эко хавтан хэрэглэлгүйгээр эхнээсээ нүх гарган бетон цутгаж эхлэсэн байна. Энэ бүх байдалтай хотын дарга газар дээр нь танилцаж шуурхай арга хэмжээ авч хэрэгжүүлэн ажиллана байх гэж найдаж байна.
А.Тамир
