Шинийн 15-ны Цагаан луу өдөр

Аргын тооллын 3 сарын 5-ны пүрэв гараг, Билгийн тооллын шинийн  15-ны бархасвадь гараг, 3 хөх мэнгэтэй,  хүчин төгсөх барилдлагатай,  гал суудалтай,  бага морь одтой, цагаан луу өдөр. Өдрийн наран 7:30 цагт  мандан, 18:32  цагт  жаргана.

Тухайн өдөр хулгана, бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, лус тахих, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн.