Өглөө.мн Шинэ өглөө, Шинэ мэдээлэл
Сүүлийн үед хийгдээд буй наймаануудыг та бүхэнд толилуулж байна
Шинэхэн дасгалжуулагчтай болоод удаагүй байгаа Roma-чууд Mattia Destro-г жинхэллээ . Destro өнгөрсөн улирал нийслэлийн багт Genoa клубээс зээлээр тоглохдоо 26 тоглолтонд оролцож 11 гоол оруулсан бөгөөд түүний төлөө Roma клуб 4.5 сая еврог төлжээ
Английн алдарт Liverpool клуб Испанийн Sevilla клубээс Luis Alberto Romero гэх довтлогчыг 6.8 сая еврогоор худалдаж авсан байна . Өдгөө 21 настай энэхүү Испани залуу өнгөрсөн улирал Barcelona клубын B багт зээлээр тоглохдоо 36 тоглолтонд оролцож 11 гоол оруулсан юм
Наймааны цонх нээгдсэнээс хойш Tottenham клубтэй нэр холбогдоод байсан Paulinho-гын наймаа биелэлээ оллоо . Лондонгын баг түүний төлөө 17 сая паундыг төлсөн хэмээн эх сурвалжууд мэдээлэлж байна
Сүүлийн 11 жилийн хугацаанд Zenit клубын төлөө хүчин зүтгэсэн Igor Denisov Anzhi Makhachkala клубтэй нэгдлээ . Anzhi Makhachkala клубын ерөнхий дасгалжуулагч Guus Hiddink түүнтэй эргэн хамтран ажиллах болсондоо баяртай байгаа тухайгаа тус клубын цахим хуудсан өгсөн ярилцлагадаа өгүүлсэн байна
Сүүлийн хоёр улирал Chelsea клубээс Atlético Madrid клубт зээлээр тоглосон Бельги хаалгач Thibaut Courtois ирэх улирал дахин Испанийн нийслэлийн багт зээлээр тоглохоор болжээ . Тэрээр одоогоор Мадридийн багийн төлөө 96 тоглолтонд оролцоод байна.
эх сурвалж: хийморь.мн
