Өглөө.мн Шинэ өглөө, Шинэ мэдээлэл
Монголын Залуучуудын холбоо, Forbes Mongolia сэтгүүлтэй хамтран “Монголоо хөгжүүлэх залуус” төслийг Монголдоо анх удаа хэрэгжүүлж эхлээд байна. Учир нь МЗХ 2015 оныг залуусаа “Бүтээе” уриан дор үйл ажиллагаагаа чиглүүлэн ажиллахаар болсон. Энэ ч утгаараа баялаг бүтээгч залуусыг тодруулах, тэднийг дэмжих, сурталчилах, дэлхийн түвшинд өрсөлдөх чадвартай болгох үүднээс энэхүү төслийг санаачлан хэрэгжүүлж байгаа юм. “30 хүртэлх 30” шалгаруулалтад нэр дэвших залуусын материалыг 2014 оны зургадугаар сараас хойш хүлээн авч эхэлсэн юм.Ингээд нэр дэвшигчдийн материалыг энэ оны хоёрдугаар сараар дуусгавар болгож, Forbes Mongolia сэтгүүлийн редакц, МЗХ-ны төлөөллөөс бүрдсэн тусгай комисс салбартаа хүлээн зөвшөөрөгдсөн байдал, нийгэмд тустай ажил үйлс, манлайлал зэрэг үзүүлэлтүүдээр дүгнэн дээрх залуусыг шалгарууллаа.Манай улсын хүн амын дийлэнх нь 30-аас доош насныхан. Иймд дээрх залуус маань үеийн залуусаа манлайлан өөр хоорондоо эв нэгдэлтэй, санаа зорилго нэгтэй байвал улс орны хөгжилд багагүй түлхэц гарах нь мэдээж хэрэг. Ингээд та бүхэндээ Монголын хөгжлийг түүчээлэх 30 залууг танилцуулж байна.
