Өглөө.мн Шинэ өглөө, Шинэ мэдээлэл
2015 оны 03 дугаар сарын 17-ны өдрийн 10 цагийн байдлаар:
МОНГОЛ УЛСАД:
Хордлогын мэдээ, албан:
3 дугаар сарын 9-нөөс 16-нд ХЯТТ-д нийт 11 хүн хандсаны улмаас 3 хүн хэвтэн эмчлэгдэж, 8 хүн эрүүл мэндийн тусламж авч буцсан байна. Хордлогын шалтгааныг харахад эмийн бодисын-2, химийн-1, угаарын хийн-6, архины хордлогын улмаас 2 хүн хандсан байна.
Эх сурвалж: ХЯТТ
Томуу, томуу төст өвчин, Нийслэлд:
Нийслэлийн хэмжээнд амбулаторийн үзлэгт нийт 72909 хүн хамрагдсаны 4896(6.7%) томуу, томуу төст өвчтэй гэж оношилогдсон байна. Энэ нь өнгөрсөн 7 хоногийн дунджаас 0.3% -иар өссөн үзүүлэлт юм. Дүүргүүдийн хувьд өнгөрсөн 7 хоногтой харьцуулахад Налайх дүүрэгт 1.3%, Сонгинохайрхан, Чингэлтэй дүүрэгт 0.9%-иар тус тус өсчээ. Нийт өвчлөгсөдийн 82.1%-ийг 0-9 насны хүүхдүүд эзэлж байгаа бөгөөд хүүхдийн түргэн тусламжийн 1307 дуудлага ирүүлсний 568 тохиолдол буюу 43.5% нь ТТТӨ гэж оношилогдсон байна.
Эх сурвалж: НЭМГ
ДЭЛХИЙ ДАХИНД
Эбола вируст халдвар, дэлхий дахинд:
3 дугаар сарын 11-ний өдрийн шинэчлэгдсэн мэдээгээр дэлхийн 10 улс (Либери, Сьерра-Леон, Гвиней, Мали, Нигери, Сенегал, Бүгд Найрамдах Ардчилсан Конго, АНУ, Испани, Их Британи)-д нийт 24348 хүн өвчилж, 10025хүн (41%) нас барсан байна. 3дугаар сарын 05-аас хойш 116 шинэ тохиолдолнэмэгдэн бүртгэгджээ.
Эх сурвалж: ДЭМБ
Бага хоруу чанартай шувууны томуу, H7N7, Нидерландад:
3 дугаар сарын 13-нд Нидерланд улсад бага хоруу чанартай шувууны томуугийн H7N7 вируст халдвараар үүсгэгдсэн дэгдэлт шувууны аж ахуйд бүртгэгдэж, бүдэг балархай хэлбэрээр өвчилсөн нийт 26573 шувууг устгасан байна.
Эх сурвалж: ДЭМБ
