2015 оны 03 дугаар сарын 23-ны өдрийн10 цагийн байдлаар:
МОНГОЛ УЛСАД:
Малын шүлхий өвчин, шинэчлэгдсэн:
Ховд аймгийн Булган сумын Баянгол, Бүрэнхайрхан, Далт Баянсудал багийн нутагт нутаглаж байгаа 67 өрх айлын 756, мөн аймгийн Үенч сумын Жаргалант, Улиаст багийн нутагт нутаглаж байгаа 8 өрх айлын 166, нийт 75 өрх айлын 922 малд шүлхий өвчний шинж тэмдэг илэрсэн бөгөөд сүүлийн 7 хоногийн хугацаанд нэмж мал өвчлөөгүй байна. Булган, Үенч, Алтай сумын нийт 312276 малыг урьдчилан сэргийлэх тарилгад 100 хувь хамруулсан байна.
Эх сурвалж: ОБЕГ
ДЭЛХИЙ ДАХИНД
Эбола вируст халдвар, дэлхий дахинд:
3 дугаар сарын 18-ны өдрийн шинэчлэгдсэн мэдээгээр дэлхийн 10 улс (Либери, Сьерра-Леон, Гвиней, Мали, Нигери, Сенегал, Бүгд Найрамдах Ардчилсан Конго, АНУ, Испани, Их Британи)-д нийт 24767 хүн өвчилж, 10243хүн (41.3%) нас барсан байна. 3 дугаар сарын 11-ээс хойш 150 шинэ тохиолдолмэдээлэгдсэн ба Гвинейд 95, Сьерра-Леонд 55 тохиолдол нэмэгдсэн бол Либерит батлагдсан тохиолдол бүртгэгдээгүй байна.
Эх сурвалж: ДЭМБ
Өндөр хоруу чанартай шувууны томуугийн H5N8 вируст халдвар, Швед улсад:
Тус улсын Djurgården, Stockholm-д 3 шувуу шувууны томуугийн H5N8 вируст халдвараар өвчилсөн байна. Шувуудыг тандалтаар илрүүлсэн бөгөөд хариу арга хэмжээг зохион байгуулан ажиллаж байна.
Эх сурвалж: ДАЭМБ