Өглөө.мн Шинэ өглөө, Шинэ мэдээлэл
“Монгол цэргийн өдөр”-т зориулсан “Байлдагчийн халаасанд генералын мөрдэс” үзэсгэлэн Монгол Цэргийн музейд нээлтээ хийгээд удаагүй байгаа билээ. Тэгвэл Батлан хамгаалахын үе, үеийн төлөөллийн өмсөж, хэрэглэж байсан дүрэмт хувцас болоод Монгол цэргийн гайхамшигт түүх соёлтой Монголын Залуучуудын Холбоо, Батлан хамгаалах яамтай хамтран өнгөрсөн зун зохион байгуулсан Монгол-Орос залуучуудын “Дайчин нөхөрлөлийн замаар” аялалд оролцсон залуус танилцлаа. “Дайчин нөхөрлөлийн замаар” тойрон аялал нь эх оронч үзлийг залуучуудынхаа ухамсарт бат бөх суулгаж, эх оронч сэтгэлгээ төлөвшүүлэхэд онцгой ач холбогдолтой болсон билээ. Түүнчлэн олон хоног хамтдаа аялсан залуус ахан дүүс мэт нөхөрлөсөн. Тиймээс энэ удаад аялалд оролцсон залуус аяллынхаа хөгжилтэй дурсамжаас хуваалцаж , Монгол цэргийн дайчин замналыг өгүүлсэн түүхэн дурсгалт эд өлгийн зүйлсийг үзэж танилцсан юм.
