Бороо Гоулд ХХK-ийн Орон нутагтай харилцах ажилтны хүү 100,000$-аар гайхуулав

“Ноён уулаа аварцгаая” үндэсний хөдөлгөөнөөс цахим хуудсаар дамжуулан нэгэн ноцтой мэдээллийг олон нийтэд түгээлээ.

“Бороо Гоулд ХХK буюу Сентерра Голд koмпаний Орон нутагтай харилцах ажилтан Б.Туяагийн хүү болох Э.Эрдэнэбаяр нь өнгөрсөн 7 хоногт 100,000$ атгасан зургаар фэйсбүүкийн профайл зургаа чимж, тус мөнгийг “аваанз” хэмээн баярхан бичжээ.
Мөн Жаргалтулгын Эрдэнэбат нь Мандал сумын хэсгийн хороодын дарга нарт 30.0 сая төгрөг өгч, гарын үсэг зуруулж байна гэсэн мэдээллийг орон нутгаас өглөө” гэсэн тайлбар бүхий дээрхи зурагнуудыг нийтэлсэн байна. 

Мөн Сэлэнгэ аймгийн Мандал суманд байрлах Спирт Бал Бурам ХK-ний үйлдвэрийн ажилчдад 500,000 төгрөг өгч, Ноён уулаа ухахыг зөвшөөрч байна гэсэн гарын үсэг зуруулж байгаа талаар ч Ноён уулаа аварцгаая үндэсний хөдөлгөөнөөс мэдээллээ.

Хууль, хяналтын байгууллага иргэдийн мэдээллийн мөрөөр шалгаж, үнэн зөв хариултыг олон нийтэд өгөх биз ээ.

Г.Эрдэм