“Үүрд хамт” дуу энэ долоо хоногт сонсогчдод хүрнэ

Үзэгчдийн хүртээл болсон “Боловсрол суваг” телевиз, “Эмоци” продакшны хамтарсан “Гурван найз” киноны үргэлжлэл хийгдэж байгаа тухай мэдээлэл гарсан. Энэ кино ирэх сард кино театруудаар нээлтээ хийх аж. Тус киноны дууг “Бид4” хамтлаг дуулжээ. “Үүрд хамт” гэх нэртэй тус дууны үгийг ZZ бичиж, аяыг “Бид4” хамтлагийнхан өөрсдөө зохиожээ. Өнгөрсөн онд анхны цомгоо өлгийдөн авсан тус хамтлагийнхан хоёрдахь бие даасан цомогтоо тус дуугаа багтаах аж. Түүнчлэн энэхүү шинэ цомгийн дуунуудын аяыг өөрсдөө зохиож байгаа гэнэ. Анд нөхөд, үнэнч сэтгэлийн тухай тус дууны клип энэ долоо хоногийн сүүлээр цацагдаж эхлэх юм байна. Клипийг “Roll” энтертайнмент хийж гүйцэтгэж байгаа юм.

Д.Жансэнм

эх сурвалж: undesten.mn