Өглөө.мн Шинэ өглөө, Шинэ мэдээлэл
ЕБС болон Оюутан залуустай хамтран хот тохижилт, ногоон байгууламжыг бий болгох зорилготойгоор Монголын Оюутны холбоо, Хүүхдийн Найрамдал төв болон Нийслэлийн удирдлагууд хамтын гэрээ байгуулан, гарын үсэг зурлаа. Мөн нийтийн эзэмшлийн гудамж, зам талбайн хог цэвэрлэгээ, айл өрх, аж ахуй нэгж байгууллагын хог тээвэрлэлт болон гадна орчны тохижилтын ажилд хяналт тавих, судалгаа хийх зорилгоор төрийн бус байгууллагуудын дунд сонгон шалгаруулт хийсэн. Шалгаруулалтанд Хотын хөгжлийн дэмжих Шинэ тосгон ТББ, Ирээдүйн хөгжлийн хүрээлэн ТББ, Эрүүл мэндийн бодлогын хүрээлэн ТББ сонгогдон Хотын ерөнхий менежер Б.Бадралтай гэрээ байгууллаа. Эдгээр сонгогдсон байгууллагуудын хувьд хот тохижилт болоод хог тээвэрлэлт, аж ахуй нэгж байгууллагын цэвэрлэгээ үйл ажиллагаанд хяналт тавих юм байна. Хот тохижилтын ажил дөрөвдүгээр сард эхлэх бөгөөд 11-р сарын нэгэн гэхэд үр дүн нь гарна гэж Хотын ерөнхий менежер Б.Бадрал мэдээллээ.
Ц.Чанцалням
