Өглөө.мн Шинэ өглөө, Шинэ мэдээлэл
Хувиараа тээвэр эрхлэгчдийн Үйлдвэрчний Эвлэлийн Нэгдсэн хороо гэх байгуулагаас 2015 оны 04 дүгээр сарын 09-ний өдөр “Зууны мэдээ” сонины мэдээллийн төвд хийсэн хэвлэлийн бага хурал зарлан хуралдуулсан билээ. Уг хурлаар нийслэлийн Тээврийн газраас “Нийслэлд нийтийн тээврийн үйлчилгээнд явж буй микроавтобуснуудыг 2015 оны 04 дүгээр сараас бүртгэлээс хасч, нийтийн тээврийн үйлчилгээнд ажиллуулах боломжгүй болгож байна.
Энэ нь уг салбарт үйл ажиллагаа явуулж буй ААНБ, хувь хүмүүст хүндээр тусаж байна” гээд “Одоогоор 2010 онд үйлдвэрлэгдсэн микроавтобус 300 орчим байдаг” гэжээ. Уг нь Монгол Улсад хүчин төгөлдөр мөрдөж буй “Нийтийн зорчигч тээврийн үйлчилгээ. Ангилал ба үйлчилгээнд тавих ерөнхий шаардлага” MNS 5012:2011 стандартын 7.4-т “Нийтийн зорчигч тээврийн үйлчилгээнд үйлдвэрлэснээс хойш 12-оос дээш жил ашигласан тээврийн хэрэгслийг ашиглахыг хориглоно” гэсэн заалт байдаг аж.
