“Хайрын хүч” тоглолтын тасалбар эрэлт ихтэй байна

Сүүлийн үед сошиал ертөнцөд олны хүндэтгэлийг ихэд хүлээгээд байгаа залуу бол хөтлөгч Б.Тамир билээ. Тэрээр эхнэр М.Болормаатайгаа танилцаад 2013 онд хуримаа хийсэн боловч 6 сарын дараагаар эхнэр М.Болормаагийн бие нь муудаж эхэлсэн байна. Тэрээр 2014 онд өвчний ерөнхий оношыг тодруулахад маш ховор тохиолддог ясны хорт хавдар гэсэн аймшигт хариуг сонсжээ.

Тэд химийн эмчилгээ, туяан эмчилгээ зэргээр маш олон эмчилгээ хийлгэсэн боловч түүний бие сайжрахгүй л байгаа юм. Тэдний мэдээлэл интернэт ертөнцөд цацагдаж эхэлсэнээс хойш маш олон хүмүүст хүрч чин сэтгэлийн дэм, урам хайрласаар байгаа төдийгүй тэднээр бахархаж байгаа юм. Ийнхүү тэдний энэхүү их хайрын хүчинд тулгуурлан ангийн хамт олон, найз нөхөд нь энэ сарын 20-ны өдөр Улаанбаатар палас-д 19:00 цагаас “Хайрын хүч” тоглолтыг зохион байгуулахаар болоод байгаа билээ.

   Тоглолтын билет хэдийн худалдаанд гарч эхэлсэн бөгөөд эрэлт ихтэй байгаа гэнэ. Хайрынхаа төлөө тэмцэж яваа залуу хосоо дэмжиж та ч гэсэн тасалбараа худалдан авч амжаагүй байгаа бол 99119625, 91119625 болон 1900-1188, easyticket.mn -ээр тасалбараа захиалан авч болох ажээ.

Тоглолтонд: “Эмоци” продакшн, BX, Баярцэцэг, Наагий, Баярцэнгэл, Бичүү, Амина, Мөнхбат&Үүрээ, “L guards”, “Салхи”, 3 бүдүүн, “Outlaw”, “Мөнхийн реп”, “Нэгэн зүгт”, “Take off”, “Fire”, “Sync”, “Motive”, “Улаан туг” бүжгийн хамтлагууд болон дуучдаас С.Амармандах, Сэлэнгэ, Бобо, Анхаа Халиун, Хишигдалай, Жавхлантөгс, Зоригт, Gee, Цэцээ, Дандий зэрэг монголын шилдэг уран бүтээлчид оролцож хос залуусд хайрын хүчээ хайрлах юм байна.  Төгс хайрын жишээ болсон залуу хосоо дэмжиж та бүхнийг 5 сарын 20-ны үдэш нэгэн оройг рок, попын ододтой хамт мартагдашгүй өнгөрүүлж тэдэнд хайрын хүч бэлэглэхийг уриалж байна.