“Их хурд-6” уралдааныг 21-нд Хархоринд зохион байгуулна

 Монголын морин спорт уяачдын холбооны тэргүүлэгчид өнгөрсөн баасан гарагт хуралдаж “Их хурд-6” уралдаануудын зохион байгуулах асуудлаар зөвлөлджээ. Гурван жил тутамд зохион байгуулагддаг монголын шигшмэл хурдан морьдын “Их хурд-6” уралдаан энэ жил зохион байгуулагдах юм байна. Уралдааныг энэ сарын 21-нд Өвөрхангай аймгийн Хархорин сумнаа зохион байгуулахаар бөгөөд ажлын хэсгийн ахлагчаар ММСУХ-ны Ерөнхийлөгч, УИХ-ын гишүүн М.Энхболд, нарийн бичгийн даргаар П.Сэргэлэн нарыг томилсон байна.

Мөн Монгол Улсын Ерөнхийлөгчийн ивээл дор их насны 3000 морь уралдан болж, 10,000 морьтон жагсах томоохон наадмыг наймдугаар  сарын 9,10-ны өдрүүдэд Хүйн долоон худагт зохион байгуулагдахаар тогтжээ.

Т.Түвшин

Ugluu.mn