Өглөө.мн Шинэ өглөө, Шинэ мэдээлэл
Соёл урлагийн салбарын уран бүтээлчдийг дэмжих, тэдний хөдөлмөрийг үнэлэх зорилгоор Монгол улсын Засгийн газар Боловсрол соёл шинжлэх ухааны яамнаас “Олон улсын хэмжээнд зохиогддог соёл урлагийн их наадам, уралдаан, үзэсгэлэн, номын яармагт оролцож, онцгой амжилт гаргасан соёлын ажилтан, уран бүтээлчдэд мөнгөн шагнал олгох тухай журам, мөн “Оны шилдэг уран бүтээлч шалгаруулах журам”-ыг хэрэгжүүлдэг уламжлалтай билээ.
Энэ жил шилдэг уран бүтээлч шалгаруулах “Мөнгөн мод” 2015 ёслолын ажиллагаанд УДЭТ-ын жүжигчин СТА Ц.Баясгалан Нобелийн шагналт зохиолч Дарио Фо-ын зохиол Найруулагч УГЗ Ч.Найдандоржын найруулга “Чөлөөт хос” хилэнт инээдмийн жүжгээрээ шилдэг уран бүтээлчийн эзнээр тодорч “Мөнгөн модын” эзэн боллоо. Түүний цаашдын уран бүтээлд нь өндрөөс өндөр амжилт, амьдралд нь эрүүл энх, аз жаргал хамгийн сайн сайхан бүхнийг хүсэн ерөөе.
Мөн Чөлөөт хос жүжиг нь “Гэгээн Муза 12” олон улсын театрын наадамд Хөгжимт жүжгийн төрөлд нэр дэвшиж байгаа бөгөөд 5-р сарын 17-нд 18-н цагаас ганцхан удаа тоглогдох аж.
