Хар кофе элэгний хатуурал болохоос сэргийлнэ

ДЭМБ-ын гаргасан судалгаагаар дэлхийн жилд нас барсан хүмүүсийн 1.3 хувь нь элэгний хатуурал өвчнөөр хорвоог орхидог аж. Энэ өвчнийг эмчлэх нь зардал ихтэй. Харин Сингапур улсын эрдэмтэд нэгэн нээлт хийсэн нь кофе уух нь элэгний хатуурал болохоос сэргийлдэг гэдгийг нотоллоо. Тэд 15 жилийн хугацаанд судалгаа хийсэн бөгөөд 45-74 насны 63 мянган хүнд ажиглалт хийжээ. Энэ хугацаанд дээрх хүмүүсийн 14928 нь нас барснаас 114 хүн элэгний хатуурлаар өвдсөн байжээ. Өдөрт хоёр аяга кофе уудаг хүмүүст уг өвчний эрсдэл буурч байгааг судалгаа харуулсан аж.