“Анод” банкны захирлуудын хэргийг УДШ хянана

 Хувьцаа болон хадгаламж эзэмшигчидээ их хэмжээний хөрөнгөөр хохироосон хэрэгт буруутгагдан шүүхээс хорих ял сонссон “Анод” банкны хуучин удирдлагууд болох  Э.Гүр-Аранз, Д.Энхтөр, Н.Даваа, Л.Уламбаяр нарын хэргийг өнөөдөр Улсын дээд шүүхэд хянан хэлэлцэхээр болжээ.

Хадгаламж эзэмшигчдийн мөнгийг найдваргүй зээлд олгосон, хуурамч хувьцаа гарган иргэдийг хохироосон хэрэгт Д.Энхтөр, Э.Гүр-Аранз нарт тав жил, Н.Даваа, Л.Уламбаяр нарт гурван жилийн хорих ялыг анхан болон давж заалдах шатны шүүхээс оноосон.  Шүүхээс тогтоосон хорих ялыг эсэргүүцэн яллагдагчид Улсын дээд шүүхэд давж заалдсан юм. УДШ өнөөдөр эл хэргийг эцэслэн шийднэ.

Т.Түвшин

Ugluu.mn