Өглөө.мн Шинэ өглөө, Шинэ мэдээлэл
Өнөө цагийн шударга бус байдал, нийгмийн амьдралын ээдрээт асуудал, улс төрийн бохир булай бүхнийг эсэргүүцэн олон нийтэд өөрийн уран бүтээлээр хүргэж яваа хүн бол реппер Gee. Хатуу боловч үнэн үгтэй түүний дуунуудыг охид залуус ч ихээр дэмжин сонсдог бөгөөд үзэл бодолтой тууштай ханддаг реппер залуугийн уран бүтээлүүдийг шимтэн хүлээсээр ирсэн.
Сүүлийн үед дуулахын хажуугаар кинонд тоглож, чамгүй жүжиглэх авьяастайгаа харуулаад байгаа тэрбээр ихэвчлэн эерэг талын дүр бүтээдэг. Хамгийн сонирхолтой нь, илүү дутуу хэв маяггүй эгэл залуугийн энэ төрх нь үзэгч олонд ихээхэн таалагддаг билээ.
Тэрбээр тун удахгүй нээлтээ хийх “Зангараг” уран сайхны кинонд тоглосон бөгөөд эр хүний ноён нуруу, мөс чанарын шалгуур болсон олон саад бэрхшээлийг хэрхэн даван туулж байгааг сонсогч фэнүүд нь харах боломжтой юм. Хатуухан бодолтой реппер Gee чухам ямар үед эр хүний зангарагаа харуулдаг юм бол доо…
Б.Содон
