Камертон 20 нас хүрлээ

Өнөөдөр “Камертон” хамтлагийн 20 жилийн ой тохиож байна. Тэгвэл “Камертон”-чууд  20 жилийн ойгоо “Crocus event hall”-д фэнүүдтэйгээ хамт тэмдэглэхээр болжээ.

Энэ талаар хамтлагийн ахлагч Д.Болд “Зургаадугаар сарын 24-нд 20 цагаас Crocus-т VIBE105.5 радиогийн албан ёсны нээлт болох гэж байна. Мөн манай “Камертон” хамтлагийн 20 жилийн ой болох гэж байгаа юм. Энэхүү тоглолтоороо манай хамтлаг олон сайхан хит дуунуудаа дуулна. Түүнчлэн монголын рок попын урсгал, урсгалын төлөөллүүд оролцсон нэлээн том хэмжээний Black & White буюу хар цагаан нэртэй парти болох гэж байна.  Энэ үдэш бүгдээрээ хамтдаа 20 цагаас үүр цайтал доргио өнгөрүүлцгээе” хэмээсэн байна. Ийнхүү өнөөдөр тохиох “Камертон” хамтлагийн 20 жилийн ойгоор залуус үүр цайтал доргих нь ээ.

эх сурвалж: undesten.mn