Н.Алтанхуягийн өргөн барьсан хуулийн төслийг хэлэлцэх асуудлаас хасжээ

УИХ-ын гишүүн Н.Алтанхуяг Монгол Улсын Ерөнхийлөгч, Үндэсний аюулгүй байдлын зөвлөлийн тэргүүн Ц.Элбэгдоржид шаардлага хүргүүлсэн байна. Тус шаардлагад хууль хяналтын байгууллагуудын эрх мэдлийн тэнцвэртэй байдлыг хангах үүднээс Эрүүгийн байцаан шийтгэх хуульд нэмэлт өөрчлөлт оруулах тухай Прокурорын байгууллагын тухай хуульд нэмэлт өөрчлөлт оруулах тухай хуулийн төслийг санаачилан УИХ-д өргөн барьж хэлэлцэх асуудлын жагсаалтанд оржээ. Гэвч Үндэсний аюулгүй байдлын зөвлөлийн нарийн бичгийн дарга Ө.Энхтүвшин УИХ-ын даргад бичиг хүргүүлснээр хуулийн хэлэлцүүлгийг зогсоож, хэлэлцэх асуудлын жагсаалтаас хассан байна.

Чухал ямар учир шалтгаанаар ҮАБЗ-өөс бичиг хүргүүлсэн, яагаад хуулийн хэлэлцүүлгийг зогсоож, хэлэлцэх асуудлын жагсаалтаас хассан нь тодорхойгүй байгаа юм. Тиймээс ҮАБЗ-ийн тэргүүний хувьд Ерөнхийлөгчид албан ёсоор шаардлага хүргүүлсэн байна.

Г.Эрдэм