Б.Ганболдтой

 Авто тээврийн хэрэгслийн албан татвар, агаарын бохирдлын төлбөр хураах ажил энэ сарын 31-нд дуусах гэж байгаатай холбогдуулан Нийслэлийн татварын газрын Татвар хураалтын хэлтсийн дарга Б.Ганболдтой ярилцлаа.

-Авто тээврийн хэрэгс­лийн албан татвар, агаарын бохирдлын төлбөр хураах ажлын явц ямар байна вэ?

 -Авто тээвэр, өөрөө явагч хэрэгслийн албан тат­вар, агаарын бохирдлын төл­бөр хураах ажлыг гурав­дугаар сарын 1-нээс тав­дугаар сарын 31-н хүртэл гурван сарын хугацаанд хийж дуусгах захирамж гарсан.

Энэ захирамжийн да­гуу зургаадугаар сарын 10-24-нд Нийслэлийн за­мын цагдаагийн газар, Нийслэлийн татварын газар хамтран хяналтын үзлэг шалгалт хийнэ.

Одоогоор оношилгооны дөрвөн цэгт Улаанбаатар банк, татварын албаныхан ажил­лаж байна. Энд оно­шилгоонд орчихоод нэг цэ­гийн үйлчилгээгээр тат­вараа төлж, бүх үйл­чил­гээгээ авч болно гэсэн үг.
Мөн татварын есөн цэгт Улаан­баатар банк­ны салбар ажиллаж байна.

-Өнгөрсөн жилийнхтэй харьцуулахад татвар ху­раалтын явц хэр байна вэ. 2012 онд нийт хэчнээн
төгрөг улсад төвлөрүүлэв. Энэ жил хэдэн төгрөг төвлөрүүлэхээр ажиллаж байна вэ?

-Ер нь л өнгөрсөн жи­лийнхтэй ойролцоо явж байна. Өнгөрөгч онд Нийс­лэлийн татварын газар авто тээврийн хэрэгслийн ал­бан татвараас 15 тэрбум төгрөгийг замын санд оруул­сан бол энэ жил 16 тэр­бумыг бүрдүүлэхээр ажил­лаж байна.

-Татвар хураалтын яв­цад гарч буй хүндрэл бэрх­шээл юу байна вэ?

-Иргэдийн нэг хэсэг нь хуулийн хугацаандаа, ачаа­лал багатай үед тат­вараа төлж байна. Харин зарим нь энэ сарын эцэст бу­жигнана.

Тиймээс хуулийн хуга­цаандаа баг­тааж тат­вараа төлөх нь чухал гэдгийг хэл­мээр байна. Энэ нь ир­гэдэд өөрсдөд нь бухимдал, чирэгдэл үүсгэхгүй.

-Хуулийн хугацаандаа татвараа төлөөгүй бол яах вэ?

-Тээврийн хэрэгслээ унаад, Улаанбаатар хотын за­­мын сүлжээг ашиглаж буй хэрнээ хуульд заасан тат­вараа төлөөгүй бол ЗЦГ, Нийслэлийн татварын газар хяналтын үзлэг, шалгалтаар илрүүлж, гурвалжин наалт­гүй тээврийн хэрэгслийг хөдөлгөөнд оролцуулахгүй.

Хэрвээ хөдөлгөөнд оролц­вол шууд журамлаж, захиргааны арга хэмжээ авна. Энэ даш­рамд хэлэхэд татвараа хуга­цаанд нь төлөөгүй иргэдийн тоо жил ирэх тусам багасч байна.

-Авто тээврийн хэрэгс­лийн албан татварын мөн­гийг юунд зарцуулдаг юм бол?

-Шууд замын санд ордог. Замын сангаар нийслэлийн замын сүлжээг сайжруулдаг. Нийслэлийн зам жил ирэх тусам сайжирч байгааг жо­лооч нар харж байгаа шүү дээ.

Татвараа төлөх нь хо­тын­хоо өнгө үзэмжийг сайж­руулах, замаа өргөсгөж засахад оруулж буй хувь нэмэр юм. Хам­гийн гол нь өөрөө өөртөө оруулж буй хөрөнгө оруулалт гэдгийг хэлмээр байна.

-Харин агаарын бохирд­лын төлбөрийг хаана зар­цуулж байна вэ?

-Энэ мөнгө улсын төсөвт ордог. Ингээд эргээд агаарын бохирдлыг бууруулах үйл ажиллагаанд зарцуулдаг.

-Заавал гуравдугаар са­рын 1-нээс тавдугаар сарын 31-н хүртэл төлөх гэд­гийн учир юу вэ. Жилийн дөрвөн улиралд татвараа төлж болдоггүй юм уу?

-Авто тээвэр, өөрөө явагч хэрэгслийн жил бүрийн албан татварыг зургаадугаар сарын 1-ний дотор авч дуусна гэж хуульчилсан байдаг.

Энэ нь дулааны улиралд төв­лөрсөн мөнгөөрөө замаа засдагтай холбоотой. Харин ирэх жилийнхээ татварыг үүнээс хойш төлж бололгүй яах вэ.

-Оношилгоонд тэнцээ­гүй, огт хөдлөхөө больсон авто машинаас татвар авах уу?

-Хөрөнгийн татвар уч­раас засвартай байсан ч тат­вараа бүтэн төлөх үүрэгтэй.