Шуурхай удирдлагын төвөөс мэдээлж байна

2015 оны 8 дугаар сарын 07-ны өдрийн 10 цагийн байдлаар

Монгол улсад:

ХӨ-ний ЭСХАХ-ний мэдээ: 

31 дэх долоо хоногт мэдээлэгдсэн хам шинжийн дотор цочмог халууралт тууралттай өвчний хамшинж нийт тохиолдлын 64.4 хувийг эзэлж байна.

Цочмог цусархаг суулгалтын хамшинж олон жилийн дунджаас өндөр байгаа бөгөөд 25 дэх долоо хоногоос эхлэн үргэлжлэн ихсэж, сүүлийн 5 жилийн дундажтай харьцуулахад 2.2 дахин нэмэгдсэн байна.

Хэрэгжүүлж буй хариу арга хэмжээ

Мэдээллийг холбогдох байгууллагуудад хүргүүллээ.

ХӨСҮТ-өөс цочмог цусархаг суулгалтын хам шинжийн мэдээлэлд дүн шинжилгээ хийж, 8 дугаар сарын 10-нд ШУТ-ийн хуралд танилцуулна.

Улаанбурхан өвчин:

-Улсын хэмжээнд 21138 сэжигтэй тохиолдол бүртгэгдсэний 1215 хүн лабораторийн шинжилгээгээр, 8472 хүн эпидемиологийн холбогдол, эмнэлзүйн шинж тэмдгээр тус тус батлагджээ.

-ХӨСҮТ-д нийт 32 хүн хандаж, 5 хүн шинээр хэвтэж, 9 хүн эмчлэгдэн гарч, 26 хүн одоо эмчлэгдэж байна. Үүнээс 6 өвчтөн хүнд болон хүндэвтэр явцтай, 3 хүн эрчимт эмчилгээнд эмчлэгдэж байна.

Эх сурвалж: ХӨСҮТ

Хэрэгжүүлж буй хариу арга хэмжээ

Мэдээллийг холбогдох байгууллагад түгээж, мэдээлэл сурталчилгааг ЭМСЯ-ны цахим хуудас www.mohs.mn болон www.facebook.com/EOC.health фейсбүүк хуудсаар сурталчилж байна.

Дэлхий дахинд:

Хүний Коронавирүст (MERS-CoV) халдвар:

Саудын Араб улсад хүний Коронавирүст (MERS-CoV) халдварын 2 лабораториор батлагдсан тохиолдол, 2 нас баралтыг мэдээлсэн байна.

БНСУ, БНХАУ-д нийт 186 лабораториор батлагдсан тохиолдол бүртгэгдэж, 36 хүн нас барсан байна. Нас баралтын түвшин 19.3%.

Дэлхий дахинд 1384 лабораториор батлагдсан тохиолдол бүртгэгдэж, 495 (35.7%) хүн нас барсан байна.

Эх сурвалж: ДЭМБ

Хэрэгжүүлж буй хариу арга хэмжээ

ЭМСЯ-ны цахим хуудас www.mohs.mn болон www.facebook.com/EOC.health фейсбүүк хуудсаар сурталчилж байна.

Эбола вирүст халдвар:

2015 оны 08 дугаар сарын 02-ны байдлаар дэлхийн 10 улсад 27964 хүн өвчилж, 11354 (40.5%) хүн нас баржээ. Эрчимттэй тархалттай байгаа Гвиней, Сьерра-Леон улсад өнгөрсөн долоо хоногийн хугацаанд нийт 2 хүн шинээр мэдээлэгдсэн байна.

Эх сурвалж: ДЭМБ

Эрүүл мэнд, спортын яам