Өглөө.мн Шинэ өглөө, Шинэ мэдээлэл
Кимчи нь та бидний өргөн хэрэглээний хүнсний бүтээгдэхүүний нэг болжээ. Гараа гаргаж хийсэн амттай хоолоо идэх гэтэл нэг л зүйл дутаад байна уу? Тэгвэл гарын доорх бүтээгдэхүүн ашиглан богино хугацаанд хэрхэн амтат кимчитэй хачир бэлтгэх жорыг танилцуулахаар боллоо. Жоорлоод аваарай.
Кимчийг заавал напа байцаагаар хийж удаан хугацаанд дардаг хэмээн ойлгож болохгүй. Энэхүү жороор та 30 минутын дотор кимчи хийж тэр даруйд нь хоолтойгоо хачирлан идэх боломжтой болох юм. Ингэхийн тулд энгийн ногоон байцааг ашиглана. Байцааг гадна талаас нь хүйтэн усаар сайтар угаасны дараа урт нарийн хэрчинэ. Ингээд 1 цайны аяга ус, 1/4 цайны аяга давс хийж гараараа сайтар базаж хольсны дараа 10 минут амраагаарай.
Энэ хооронд 1/4 цайны аяга халуун чинжүү, элсэн чихэр, загасны сүмс, лууван, жижиглэн хэрчсэн сармис, ногоон сонгиныг хэрчихэд бэлтгэнэ.
Дээрх хүнсний бүтээгдэхүүнүүдийг урт нарийн хэрчиж сайтар хольж хутгана.
Байцаан давстай уснаас шүүж гаргаад цэвэр усаар 2 удаа зайлж угаасны дараа усыг сайтар хатаана.
Ингээд байцааг кимчиний амтлагчтай хольж сайтар хутгана.
Кимчийг хүнсэнд шууд хэрэглэж болох ба эсвэл агаар орохооргүй битүү саванд хийж хөргөчинд хадгалан хэрэглэж болно. 7-14 хоног даршилсан ч болно.
Таны өөрийн гараар хийсэн амтат кимчи бэлэн боллоо. Сайхан хооллоорой.
Эх сурвалж: www.1000jor.mn
