Ерөнхийлөгч хориг тавьлаа, харин гишүүдийн 3-ны 1 нь дэмжих эсэхийг хүлээе

Монгол Улсын Ерөнхийлөгч Ц.Элбэгдорж өнөөдөр тохиож буй Прокурорын байгууллагын 85 жилийн ойд зориулж үг хэллээ. Тэрбээр энэ үеэрээ сүүлийн үед олны шүүмжлэлийг дагуулаад байсан Өршөөлийн хуулийн талаар маш хариуцлагатай нэг мэдэгдлийг хийсэн юм.

“Өршөөлийн хуулийн эцсийн найруулгыг одоо болтол надад танилцуулаагүй. Тиймээс хууль танилцуулсан өдрөөс хойш хориг тавих тав хоногийн эрх нээгдэнэ. Авлигачдыг өөгшүүлсэн хуулийг Монголын төрийн босгоор алхуулахгүй” хэмээгээд Өршөөлийн хуульд албан ёсоор хориг тавихаа мэдэгдлээ.

Учир нь түүнд УИХ-аас баталсан хуульд хориг тавих эрх бий.

Ерөнхийлөгчийн бүхэлд нь болон хэсэгчлэн тавьсан хоригийг УИХ-ын гишүүдийн 3-ны нэг дэмжвэл тухайн заалт хүчингүй болно гэсэн үг юм.

 

 

 

Г.Эрдэм