Өглөө.мн Шинэ өглөө, Шинэ мэдээлэл
Хичээлийн шинэ жил эхэлж байгаатай холбогдуулан 2015 оны 08 дугаар сарын сүүлийн 2 долоон хоногийн “Бямба”, “Ням” гарагуудад автомашины улсын дугаарын сүүлчийн оронгийн тэгш, сондгой тоогоор, өглөөний 08.00-20.00 цагийн хооронд хөдөлгөөнийг хязгаарлахаар боллоо.
2015 оны 08 дугаар сарын 22, 29-ний “Бямба” гаригт тэгш тоогоор төгссөн тээврийн хэрэгсэл хөдөлгөөнд оролцоно.
2015 оны 08 дугаар сарын 23, 30-ны “Ням” гаригт сондгой тоогоор төгссөн тээврийн хэрэгсэл хөдөлгөөнд оролцоно.
Нийслэлийн авто зам засвар, хот тохижилтын ажлын автомашин, зочид төлөөлөгчдийн цуваа, дипломат байгууллагын, нийтийн үйлчилгээний том оврын автобус, троллейбус, стандартын шаардлага хангасан такси, ажилчдын автобус, тусгай дуут болон гэрэл дохиогоор тоноглогдсон хойшлуулшгүй ажил үүрэг гүйцэтгэж яваа тээврийн хэрэгсэлд дээрх хязгаарлалт хамаарахгүй.
