Улаагчин туулай өдөр

Аргын тооллын 8 сарын 19-ны лхагва гараг, билгийн тооллын намрын эхэн сарын шинийн  5-ны буд гараг, 7 улаан мэнгэтэй, үл зохилдох барилдлагатай, хий суудалтай, тэргүүн дагуул одтой, улаагчин туулай өдөр. Өдрийн наран 6:01 цагт  мандан, 19:59 цагт жаргана.

Тухайн өдөр хонь, гахай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба гарагийг тахих, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, улаа гаргах, хиншүү хярвас гаргах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал эд, мал арвидна.