Аж ахуйн нэгжүүд орчноо тохижуулж хотын үзэмжинд өнгө нэмлээ

Нийслэлийн 2015 оны шилдэг тохижилт, ногоон байгууламжтай, цэмцгэр байгууллага аж ахуйн нэгж шалгаруулах болзолт уралдааны хүрээнд БЗД-ийн 10-р ажлын хэсэг “Серж Эксклюзив” компанийн “Батько Опанас” ресторанд “Смайл” наалт наалаа. “Серж эксклюзив” компани нь орчныхоо 320  мкв талбайг цэвэрлэж, чулууг нь түүж зүлэгжүүлэн, 9 шинэс мод, 6 гоёлын мод суулган, гадна шат, балконоо ваартай цэцгээр чимгээр чимэн тохижилтын ажилд 2100000 төгрөг зарцуулсан байна.
Мөн Нийслэлийн 48-р сургууль гадна талдаа 42 ширхэг мод тарьж, цэцгийн мандал байгуулан, ногоон байгууламжаа нэмэгдүүлэн тохижилтын уралдаанд идэвхитэй оролцож байгаа. Тус сургууль уралдааныг дүн гарахаас өмнө гадна фасадны засвараа бүрэн хийж, 62 м урт хайс, 6 ширхэг хогийн сав байршуулж, 1500м туузан гэрэл 8ш прожуктор, хажуугийн зам дээр тэмдэглэгээ хийн, хаягаа солихоор төлөвлөсөн. Засварын ажилд нийт 21 сая төгрөг зарцуулсан тул 3 дахь удаагаа смайл авчээ.
Харин “Ариг интернэшнл“ компанийн “Ариг рамен” ресторан заасан хугацаанд өгсөн үүрэг даалгаврыг сайн биелүүлж гадна талдаа вааран хэлбэртэй цэцгийн мандал хийж нийслэлийн өнгө үзэмжийг сайжруулж үйлчлүүлэгчдээ татаж чадсан тул “смайл” авлаа.
Тохижилтын уралдаан сайн оролцож байгаа аж ахуйн нэгжүүд олон байгаа боловч зарим байгууллага тухайн хороог хариуцсан ажлын хэсгийн өгсөн үүрэг даалгаврыг бичлүүлээгүй тул гахай авсан. Ингээд СХД-ийн 18,19, 29 дүгээр хороодын “смайл”,”гахай” авсан газруудыг зарлаж байна.