Люмино хамтлагийн “Он цагийн хэлхээс” бэлэн боллоо

Энэ сарын 21-нд “CROCUS EVENT HALL”-д бие даасан тоглолтоо хийх гэж буй Люмино хамтлагийн тухай өгүүлэх богино хэмжээний баримтат кино бэлэн болж, үзэгчдийн хүртээл болоод байна.

Монголын хөгжмийн дээд шагнал “Пентатоник”-ийн 4 удаагийн шагналт тус хамтлаг  анх 1998 онд 5 гишүүнтэйгээр байгуулагдаж байсан бол 2000 оноос хойш өнөөдрийн бүрэлдэхүүн болох Д.Тэмүүжин (MCBEATZ), Д.Анхбаатар (Skitzo, CUTHBERTH), Б.Батхишиг (Baji) нар үлдэн уран бүтээлээ туурвих болсон.

Уг кинонд Люмино хамтлаг хэрхэн байгуулагдсан талаар өгүүлж, байгуулагдсан цагаас эхлэн өнөөдрийг хүртэл урлагийн тогоонд 20 шахам жилийн хугацаанд чанагдахдаа ямар замыг туулж өнгөрүүлсэн талаар товч бөгөөд тодорхой өгүүлнэ.

А.Док Эх сурвалж: www.TODAY.mn