Х.Цагаанбаатар өрсөлдөгчөө цэвэр яллаа

Казахстаны Астана хотноо зохиогдож буй Жүдо бөхийн насанд хүрэгчдийн 2015 оны ДАШТ хоёр дахь өдрөө үргэлжилж байна. Өнөөдөр манай тамирчдын салхийг Хөдөлмөрийн баатар, гавьяат тамирчин Х.Цагаанбаатар хагалж эхний барилдаанаа Фернандо Гонзалезтэй хийлээ.

Ингээд Х.Цагаанбаатар аварга өрсөлдөгчөө илт илүүрхэж цаг дуусахаас өмнө цэвэр ялалт авсан юм. Тэрбээр сүүлийн хэдэн жилийн өөрийн -60 кг-ын жинд барилдаагүй. Х.Цагаанбаатар дараагийн тойрогт Камал Хан Магомедовтэй барилдана.