Өглөө.мн Шинэ өглөө, Шинэ мэдээлэл
Казахстаны нийслэл Астана хотноо болж буй Жүдо бөхийн насанд хүрэгчдийн 2015 оны ДАШТ өнөөдөр дөрөв дэх өдрөө үргэлжилнэ.
Өчигдөр эрэгтэйчүүдийн 73 кг-ын жинд гавьяат тамирчин С.Ням-Очир, эмэгтэйчүүдийн 57 кг-ын жинд хүч үзсэн олон улсын хэмжээний мастер Д.Сумъяа нар хос хүрэл медаль хүртсэн бол өнөөдөр энэ амжилтын буухиа үргэлжилнэ.
Өнөөдөр эрэгтэйчүүдийн 81 кг-д О.Ууганбаатар, эмэгтэйчүүдийн 63 кг-ын жинд Ц.Мөнхзаяа, Ц.Цэрэннадмид нар Астанагийн татамид барилдана.
О.Ууганбаатарын эхний учраа Шинэ Зеландын И.Павлинич бөгөөд ялвал Канадын Антони Валиос-Портертэй барилдана. 
Эмэгтэйчүүдийн 63 кг-д Ц.Мөнхзаяа эхний тойрогт гоц мөргөсөн.
Харин Ц.Цэрэннадмид Туркийн К.Бусратай эхний барилдаанаа хийх юм.
Маргааш эрэгтэй 90-д Л.Отгонбаатар, нөгөөдөр -100 кг-ын жинд Олимпийн аварга Н.Түвшинбаяр нар барилдана.
Г.Эрдэм
