Өглөө.мн Шинэ өглөө, Шинэ мэдээлэл
Казахстаны Астана хотноо болж буй жүдогийн ДАШТ-ээс өчигдөр манай 2 тамирчин хүрэл медаль хүртсэн. Ард олныхоо итгэлийг дааж Астанагийн тэнгэрт төрийн далбаагаа мандуулж чадсан тамирчны нэг бол гавьяат тамирчин Сайнжаргалын Ням-Очир. Лондонгийн олимпийн анхны медалийг түүчээлүүлж байсан тэрбээр ийнхүү олимп, дэлхийн аваргын хос медальтан боллоо.
Астанагийн татамигаас хүрэл медаль хүртсэний дараа С.Ням-Очир гавьяат ийнхүү багшдаа, бас дэвжээндээ, үзэгч олондоо хүндэтгэл үзүүлж байна.
Тамирчин хүний ёс жудаг, багшаа дээдлэх, дэвжээгээ хүндэтгэх сайхан зан төлөвшлийг тээж яваа С.Ням-Очирт амжилтын гэрэлт ирээдүй бий.
Балжаа аваргын хувьд зах зээлийн шилжилтийн хүнд үед жүдо бөхийн спортыг унагалгүй авч ирсэн хүн. Өөрөө 1989 оны дэлхийн аваргын мөнгөн медальтай. 1996 оны олимпоос ганцхан хүрэл медалийг шавь Нармандах нь авч байсан билээ.
Г.Эрдэм
