Шуурхай удирдлагын төвийн мэдээ /2015.09.03/

2015 оны 9 дүгээр сарын 03-ны өдрийн 10 цагийн байдлаар

Монгол улсад:

Осол, гэмтлийн мэдээ:

8 дугаар сарын 29-аас 9 дүгээр сарын 1-ний хооронд нийт 1595 хүн осол, гэмтэлд өртсөний улмаас 66.1%-ийг эрэгтэйчүүд, 30%-ийг 0-15 насны хүүхэд, 9.3% нь хэвтэн эмчлэгдэж, 22% нь согтуугаар гэмтэлд өртжээ.

Эх сурвалж: ГССҮТ

Хэрэгжүүлэх хариу арга хэмжээ

Мэдээллийг холбогдох байгууллагуудад хүргүүлж, сурталчилгаа хийх.

Хордлогын мэдээ:

8 дугаар сарын 25-аас 9 дүгээр сарын 2-ны хооронд нийт 4 хүн хэвтэн эмчлэгдэж, 5 хүн тусламж авч буцсан байна. 3 хүн эмийн бодисын, 3 хүн химийн бодисын, 3 хүн бусад шалтгааны улмаас ханджээ.

Эх сурвалж: ХЯТТ

Хэрэгжүүлэх хариу арга хэмжээ

Мэдээллийг холбогдох байгууллагуудад хүргүүлж, сурталчилгаа хийх.

Улаанбурхан өвчний мэдээ: 

8 дугаар сарын 28-ний өдрийн байдлаар улсын хэмжээнд Улаанбурхан өвчний 21268 сэжигтэй тохиолдол бүртгэгдэж, 1231 тохиолдол нь лабораториор, 8897 тохиолдол нь эмнэлзүйн шинж тэмдгээр батлагдсан байна. Мэдээллийг холбогдох байгууллагуудад хүргүүлэх.

Дэлхий дахинд:

Вакцины омгоор үүсгэгдсэн халдварт саа өвчин: 

Украйн улсад халдварт саагийн вакцинаас үүсэлтэй омгоор 2 хүүхэд өвчилсөн байна. 4 настай, 10 сартай 2 хүүхдэд эмнэлзүйн шинж тэмдэг илэрсэн байна. Дэгдэлтийн судалгаа хийгдэж, нэмэлт дархлаажуулалт хийхээр төлөвлөж байна.

Эх сурвалж: ДЭМБ

Хэрэгжүүлэх хариу арга хэмжээ

Мэдээллийг холбогдох байгууллагуудад хүргүүлэх.

Эбола вирүст халдвар:

2015 оны 08 дугаар сарын 30-ны байдлаар дэлхийн 10 улсад 28175 хүн өвчилж, 11354 (40%) хүн нас баржээ. Эрчимттэй тархалттай байгаа Гвиней улсад 2 тохиолдол бүртгэгдэж, Сьерра-Леон улсад 1 тохиолдол бүртгэгдсэн байна.

Эх сурвалж: ДЭМБ