Өглөө.мн Шинэ өглөө, Шинэ мэдээлэл
Нийслэлийн иргэд, олон нийтэд хууль тогтоомж сурталчлах нэгдсэн арга хэмжээг 2015 оны 09 дүгээр сарын 07-14-ны өдрийн хооронд зохион байгуулах гэж байна. Уг арга хэмжээг Хууль зүйн яам, Хууль зүйн сайдын эрхлэх асуудлын хүрээний агентлаг, байгууллагууд болон нийслэл, дүүргийн Засаг даргын Тамгын газар хамтран зохион байгуулах юм. Аяны хүрээнд хууль тогтоомжийг иргэд, олон нийтэд мэдээлж сурталчлах, байгууллагууд үндсэн чиг үүргийнхээ дагуу иргэдэд тодорхой үйлчилгээ үзүүлж, эрх зүйн зөвлөгөө мэдээлэл өгөх юм байна. Хууль тогтоомж сурталчлах аяны хуваарийг дэлгэрэнгүй танилцуулж байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
