Өглөө.мн Шинэ өглөө, Шинэ мэдээлэл
Тулгар Төрийн 2222 жил, Их Монгол Улсын 807 жилийн ой, Ардын хувьсгалын 92 жилийн ойн баяр наадмын соёолон насны морины уралдааны түрүү магнайд Ховд аймгийн Мөнххайрхан сумын уугуул Ш.Адьшаагийн хонгор соёолон хурдалсан.
Ерөнхий сайд Н.Алтанхуяг өнөөдөр түрүү соёолонгийн галаар зочилж, магнайдаа тоосгүй хурдалсан ажнай хүлгийн уяачид баяр хүргэлээ. Түрүү соёолонгийн уяа сойлгыг тааруулсан алдарт уяач Б.Отгоннасан, унаж хурдлуулсан унаач O.Зyлбаяр нарт олон наадамд уясан, унасан хүлгийнхээ торгон жолоо өргүүлэхийг ерөөлөө.
Ерөнхий сайд өнөөдөр соёолон насны морьдын уралдаан үзэж, Хүй долоон худагт хуран цугласан наадамчин олонтой уулзаж, санал сэтгэгдлийг нь хуваалцсан юм. Нар хур тэгширсэн энэ өдрүүдэд сэтгэл тэнэгэр, сайхан наадахыг наадамчин олонд ерөөлөө гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
