Өглөө.мн Шинэ өглөө, Шинэ мэдээлэл
Энэ сарын 9-д экспортоо эхлээд буй “Оюутолгой” компани он дуустал ойролцоогоор улсын төсөвт нэг тэрбум ам.долларын орлого оруулах тооцоог гаргасан байна.
Нөөц ашигласны төлбөрөөр 100-гаад сая ам.долларын татвар авах бол цаашлаад комданийн хөрөнгө оруулалт үргэлжилж байгаатай уялдан хил гаалийн татвар, НӨАТ гэх мэт “Оюу-толгой” компаниас төсөвт орох орлого нэмэгдээд явна гэдгийг “Эрдэнэс Оюу толгой” компанийн захирал Ц.Сэдваанчиг хэлсэн.
“Оюутолгой” компани өдөрт 100 мянган тонн хүдэр баяжуулна гэж төлөвлөсөн. Бэлэн болсон баяжмалын хэмжээ 60 мянган тонн хүрсэн. Энэ нь хоногт 2000 тонныг тээвэрлэнэ гэхээр сарын нөөц бэлэн гэсэн үг. Үйлдвэрийн анхны дамжлага буюу хүдрийн овоолго гэхэд л бараг жилийн шахуу нөөц бий болчихсон байгаа.
Тиймээс тус компаниас олох орлогыг баттай хэмээн холбогдох албаны хүмүүс хэлж байна.
