“Чэйл эмнэлэг”-ийн төлөөлөл Ховд аймагт ажиллаж байна

Солонгос улсын эмэгтэйчүүдийн “Чэйл эмнэлэг”-ийн эмч нар Ховд аймагт ажиллаж байна. “Чэйл эмнэлэг”-ийн дэд ерөнхийлөгч Tae Kyeong Kim, Нөхөн үржихүй ба үйргүйдлийн эмч Son il Pyo, менежер SuJin Lee, Ж.Нармандах нарыг аймгийн Засаг дарга Д.Цэвээнравдан, Жаргалант сумын ИТХ-ын дарга Н.Энхтөр, БОЭТ-ийн дарга Т.Баяртогтох, Жаргалант сумын Засаг даргын орлогч Б.Батсүх, ИТХ-ын төлөөлөгч Д.Цээпил болон холбогдох албан тушаалтнууд хүлээн авч уулзлаа.

Уулзалтаар Бүгд найрамдах солонгос улсдаа дээгүүрт ордог эмэгтэйчүүдийн “Чэйл” эмнэлэг, БОЭТ цаашлаад аймаг орон нутагтаа хэрхэн хамтарч ажиллах талаар санал солилцов. “Чэйл эмнэлэг”-ийн удирдлагууд 2015 оны 10 дугаар сарын 15-нд манай аймгийн БОЭТ-ийн үйл ажиллагаатай танилцаж, хамтран ажиллах санамж бичиг үзэглэх ба амаржих газарт үзлэг хийхээр төлөвлөжээ. Тус эмэнэлэг нь Солонгос улсдаа дээгүүрт ордог эмэгтэйчүүдийн эмнэлэг бөгөөд үргүйдэл, нөхөн үржихүйн эрүүл мэнд болон эмэгтэйчүүдийн талаарх бүхий л өвчлөлийг эмчилдгээрээ улсдаа тэргүүлдэг байна.