Өглөө.мн Шинэ өглөө, Шинэ мэдээлэл
Монгол Улсад эмчлэх боломжгүй зарим өвчтэй хүмүүсийг БНСУ-д үнэ төлбөргүй эмчлүүлэх боломж бүрджээ. Тодруулбал, БНСУ-ын “Мёнжи” эмнэлэг, нийслэлийн Эрүүл мэндийн газартай хамтран хүмүүнлэгийн ажил явуулах санал ирүүлсэн бөгөөд Монгол Улсад эмчлэх, ар гэрийн боломжоос шалтгаалан мэс засалд орох боломжгүй байгаа нэг хүнийг сонгон бүх зардлыг даан Солонгост эмчлэхээр болсон байна.Үүнд хамрагдахыг хүссэн хүмүүсийн өргөдөлийг энэ долоо хоногтоо багтаан авч нийслэлийн Эрүүл мэндийн газарт хүргүүлэх шаардлагатай ажээ. Өргөдөл дээрээ өвчтөн эмчлүүлэх хүсэлтай байгаагаа гараар бичиж, аль эмнэлгийн хяналтанд байгаа, өвчний түүхийн мэдүүлэг нь тодорхой байх ёстой тул бичиг баримтаа бүрдүүлэн очих шаардлагатай. Нийслэлийн эрүүл мэндийн газраас хүүхэд юм уу залуу хүн явуулах хүсэлтэй байгаагаа мэдэгдлээ. Гэхдээ эхний удаад хүнээ зөв сонгоод явуулах юм бол цааш нь дахин үргэлжлэх боломжтой гэдгийг онцоллоо. Ялангуяа хүүхэд, юм уу залуу хүн явуулбал зүгээр юм гэж бодож байна. Манай эрүүл мэндийн байгууллагууд өвчтөнүүдээ гадаадад эмчлүүл гэж явуулаад байх нь зохистой биш. Гэвч эмнэлгүүдэд төсөв, тоног төхөөрөмж нь байхгүй болохоор тал бүрийн арга зам хайж байна” гэв. “Мёнжи” эмнэлгийн хувьд Монголоос мэс засал хийлгэхээр очих хүнийг хүлээж авах бэлтгэлээ хангасан гэдэг мэдээллийг ирүүлжээ. Өвчтөнийг сонгомогц энэ долоо хоногтоо багтаан явуулах юм байна.
