Дугуйчид 1000 км-ийг тууллаа

  Монголын мэргэжлийн дугуйчдын Олон өдрийн уралдаан 7-р сарын 15-22-ны өдрүүдэд амжилттай боллоо. 50 дахь жилдээ зохиогдож буй энэхүү уралдаанд 5 байгууллагын 40 тамирчин эр зориг, авхаалж самбаа, хүч тэвчээрээ сорин 5 аймгийг хамарсан, 1000 гаруй км замыг туулжээ. Уг тэмцээний Ерөнхий ивээн тэтгэгчээр “Алтан Дорнод Монгол ХХК, “Savannah&Matrix” ХХК-ний хамт олон оролцсон байна.

Тэмцээний аваргаар Мөнхтулга, тэмцээний шилдэг эмэгтэй тамирчинаар Азийн аварга Т.Энхжаргал нар шалгарчээ. Хөдөө орон нутагт дугуйн спортыг сурталчилах нь тэмцээний гол зорилго байсан юм. Тэмцээний хүрээнд хийгдсэн ажлын нэг нь Булган аймагт дугуйн холбооны салбар зөвлөл байгуулахаар болжээ.

Ugluu.mn

Т.Түвшин