Сонгуулийн штабыг намын дарга нар удирдана

 Монгол Улсын Ерөнхийлөгчийн сонгуульд АН, МАН, МАХН оролцохоо албан ёсоор СЕХ-нд мэдэгдэж, нэр дэвшигчээ тодруулаад байгаа.

АН-аас ерөнхийлөгч Ц.Элбэгдорж, МАН-аас УИХ-ын гишүүн Б.Бат-Эрдэнэ, МАХН-аас Эрүүл мэндийн сайд Н.Удвал нар нэр дэвшинэ. Намууд сонгуулийн штабаа байгуулсан байна. Ц.Элбэгдоржийн сонгуулийн штабыг намын дарга Н.Алтанхуяг удирдаж, сурталчилгаа, PR-ийг намын Ерөнхий нарын бичгийн дарга Ц.Оюундарь хариуцан ажиллахаар болсон байна.

МАН-аас нэр дэвшиж байгаа Б.Бат-Эрдэнийн сонгуулийн ерөнхий менежерээр намын дарга Ө.Энхтүвшин ажиллах бол менежирээр нийслэлийг Ц.Мөнх-Оргил, орон нутгийг Ж.Сүхбаатар хариуцах ажээ.  МАХН-аас нэр дэвшигч Н.Удвалын  хувьд сонгуулийн штабыг намын дэд дарга Д.Тэрбишдагва удирдаж, сонгуулийн ерөнхий менежерээр намын Нарийн бичгийн дарга Г.Шийлэгдамба ажиллахаар болсон байна.

Нэр дэвшигчид энэ сарын 22-нд батлахаа гардан авснаар сонгуулийн сурталчилгаа албан ёсоор эхлэх юм.

Т.Түвшин

Ugluu.mn