Сурагчдын дүрэмт хувцсанд 3 жилийн баталгаа өгнө

Энэ жилийн хувьд 520 мянган сурагчийн иж бүрэн дүрэмт хувцас үйлдвэрлэх шаардлагатай гэсэн тоо баримт гарсан байгаа билээ.“Бат зүү” компани 2003 онд Оюуны өмчийн газраас сурагчийн дүрэмт хувцас үйлдвэрлэх зохиогчийн эрх патент авч, БСШУЯ-ны зарласан тендерт шалгарч, дүрэмт хувцсаар сурагчдыг жигдрүүлж байсан. Гэвч тус газрын нийлүүлсэн хувцас чанарын шаардлага хангахгүй, сэмэрч, урагддаг гэсэн гомдол иргэдээс цөөнгүй гардаг. Тэгвэл энэ жил уг асуу­далд Засгийн газраас санаа тавьж, Үйлдвэр, хөдөө аж ахуй, Боловсрол шинжлэх ухаа­ны яам хамтран “Сураг­чийн дүрэмт хувцасны жи­шиг загвар” боловсруулж гар­гав. Энэхүү загварын да­гуу монгол хонины ноосон даавуу болон ээрмэл утсаар до­тоод­доо үйлдвэрлэсэн хувц­саар сурагчдыг бүрэн хангах аж­лыг зохион байгуулж эхэл­сэн билээ.

Сурагчдын дүрэмт хувцас үйлдвэрлэх ажилд “Чингис” бондоос 30 тэр­бум төгрөгийг оёдлын үйлдвэрлэлийн салбарт олгож, сурагчийн дүрэмт хувцасны үйлд­вэрлэл эрхлэгчдэд, Хөдөл­мөр эрхлэлтийг дэмжих сангаас 17 тэрбум, Жижиг, дунд үйлдвэрийг хөгжүүлэх сангаас 6 тэрбум, нийт 23 тэрбум төгрөгийг энэ онд багтааж эргэн төлөгдөх нөхцөлтэйгээр хөнгөлөлттэй зээл олгохоор шийдвэрлэсэн юм.

Урьдчилсан байдлаар дүрэмт хувцсыг оёх 72 аж ахуйн нэгж байгаа аж. Эдгээрт Төв, Налайх, Эрдэнэт, Дархан зэрэг хөдөө орон нутгийн оёдлын газрууд ч багтаж байна. Энэ жил дүрэмт хув­цас­ны дээд үнэ 95 мян­ган төгрөгөөр нийлүүлэх бо­ломж­той гэдгийг ч хэлсэн бөгөөд гурван жилийн ба­талгаа өгч байгаа юм байна.

З.Байгалмаа